श्री वडा कार्यालयहरु (१ - ६),

फिक्कल गाउँपालिका, सिन्धुली ।

बिषयः व्यक्तिगत घटना दर्ता प्रमाणपत्रको आधिकारिकता सम्बन्धमा।

प्रस्तुत विषयमा राष्ट्रिय परिचयपत्र तथा पञ्जिकरण विभागको च.नं. १४९, मिति २०७९/०४/२३ गतेको प्राप्त पत्र अनुसार व्यक्तिगत घटना (जन्म, मृत्यु, विवाह, सम्बन्ध विच्छेद, बसाईंसराई) दर्ता अनलाईन प्रणालीबाट जारी हुने १३ अंक सहितको घटना दर्ताको प्रमाणपत्रलाई मात्र कन्सुलर सेवा विभाग, जिल्ला प्रशासन कार्यालय र ईलाका प्रशासन कार्यालयले आधिकारिक मान्यता दिने हुँदा तहाँ कार्यालयले आजकै मिति देखि घटना दर्ता अनलाईन मार्फत् मात्र गर्नुहुन अनुरोध छ। साथै सोहि मिति देखि हस्तलिखित घटना दर्ता प्रमाणपत्रलाई यस कार्यालयबाट प्रमाणित नगरिने व्यहोरा समेत जानकारी गराईन्छ।

बोधार्थ:

श्री वडा कार्यालय (१ -६), फिक्कल गाउँपालिका

श्री सम्पूर्ण विद्यालयहरु, फिक्कल गाउँपालिका   

"मृगौला प्रत्यारोपण गरेका, डायलाइसिस गरिरहेका, क्यान्सर रोगी र मेरुदण्ड पक्षघातका विरामीहरुलाई औषधि उपचार बापत खर्च उपलब्ध गराउने सम्बन्धी कार्यविधि, २०७८" को दफा ३ र ४ मा भएको व्यवस्था :-

दफा ३. निवेदन सम्बन्धी व्यवस्थाः 

यस कार्यविधि बमोजिम औषधि उपचार वापत खर्च पाउनका लागि राष्ट्रिय परिचय पत्र नम्बर वा नागरिकता प्रमाणपत्रको प्रतिलिपि, नाबालकको हकमा जन्मदर्ता प्रमाण पत्रको प्रतिलिपी, अनुसूची-१ बमोजिमको ढाँचामा चिकित्सकको सिफारिस, मेरूदण्ड पक्षघातको हकमा अपाङ्गता सम्बन्धी प्राप्त गरेको रातो वा नीलो कार्डको प्रतिलिपि सहित सम्बन्धित स्थानीय तहको वडा कार्यालयमा अनुसूची-२ बमोजिमको ढाँचामा निवेदन दिनु पर्नेछ। 

दफा ४. लाभाग्राहिले पाउने औषधि उपचार वापत खर्चः

नेपाल सरकारले तोकेको मासिक पाँच हजार रुपैयाँका दरले त्रैमासिक रूपमा महिनाको अन्तिम दिन स्थानीय तहले लाभग्राहीको बैंक खातामा जम्मा गर्नेछ । नेपाल सरकार वा नेपाल सरकारको पूर्ण वा अधिकांश स्वामित्व भएको संस्था वा संगठन संस्थाबाट रोजगारी/ निवृत्तिभरण वा विदेशी सरकारवाट रोजगारी/ पेन्सन प्राप्त गरिरहेको व्यक्तिले यस निर्देशिका बमोजिम मासिक वृत्ति उपलब्ध गराईने छैन । त्यसगरी नेपाल सरकारबाट उपलब्ध गराईंदै आएको ज्येष्ठ नागरिक भत्ता, एकल महिला भत्ता, दलित भत्ता, पिछडीएको भत्ता, अपांग भत्ता लगायत नेपाल सरकारबाट साविकमा पाई आएको सामाजिक सुरक्षा भत्ता वा यस निर्देशिका बमोजिम उपलब्ध गराईने मध्ये कुनै एक किसिमको भत्ता/ मासिक वृत्ति मात्र प्राप्त गर्न सक्नेछन् । त्यसैगरी यसै कार्यविधिमा उल्लेखित एकभन्दा बढी रोग लागेका व्यक्तिले दोहोरो पर्ने गरी यस किसिमको भत्ता प्राप्त गर्ने छैनन् ।